យុទ្ធនាការអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក នៅខេត្តព្រះវិហារ មុនឱកាសពិធីបុណ្យភ្ជុំបិណ្ឌ
នៅព្រឹក ថ្ងៃព្រហស្បតិ៍ ១០រោច ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៤ ខែតុលា ឆ្នាំ២០១៨ នាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន សហការជាមួយ អគ្គលេខាធិការដ្ឋាននៃគណៈកម្មាធិការជាតិសុវត្ថិភាពចរាចរណ៍ផ្លូវគោក សហភាពសហព័ន្ធយុវជនកម្ពុជាវិស័យសាធារណការ និងដឹកជញ្ជូន និងមន្ទីរសាធារណការ និងដឹកជញ្ជូនខេត្តព្រះវិហារ ស្នងការនគរបាលខេត្តព្រះវិហារ កងរាជអាវុធហត្ថខេត្ត បានចុះធ្វើយុទ្ធនាការសុវត្ថិភាពចរាចរណ៍ដើម្បីពញ្ញាក់ស្មារតីដល់អ្នកប្រើប្រាស់ផ្លូវឱ្យមានការប្រុងប្រយ័ត្ន មុនឱកាសពិធីបុណ្យភ្ជុំបិណ្ឌ នៅតាមបណ្តោយផ្លូវកោះកែ ស្ថិតក្នុង ភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ។ យុទ្ធនាការអប់រំផ្សព្វផ្សាយនេះក៏ទទួលបានការចូលរួមជាអធិបតីភាព លោក ស៊ូ សិរី អភិបាលរងខេត្តព្រះវិហារ ផងដែរ។ ក្នុងយុទ្ធនាការនេះ មានការចែកជូននូវឯកសារពាក់ព័ន្ធនឹងច្បាប់ស្តីពីសុវត្ថិភាពចរាចរណ៍ផ្លូវគោក និងការរៀបចំជាកម្មវិធីសួរឆ្លើយសំណួរស្តីពីច្បាប់ និងសុវត្ថិភាពចរាចរណ៍ផ្លូវគោក និងការរឹតបន្តឹងការអនុវត្តច្បាប់ចរាចរណ៍ផ្លូវគោក។ ជាលទ្ធផលនៅក្នុងយុទ្ធនាការនេះបានចែកជូននូវសម្ភារមួយចំនួនដូចជា៖
១.មួកសុវត្ថិភាព ៩៥មួក (មួកសម្រាប់មនុស្សធំចំនួន ៨០មួក មួកកុមារចំនួន ១៥មួក)
២.សៀវភៅច្បាប់ស្តីពីចរាចរណ៍ផ្លូវគោក ៤៥០ក្បាល
៣.ស្ទីកឃ័រចំណាំងផ្លាត ៥៣០សន្លឹក
៤.សៀវភៅអ្វីដែលអ្នកបើកបរម៉ូតូត្រូវយល់ដឹង ១៨៧ក្បាល
៥.ខិតបណ្ណសីលធម៌ ១០ចំណុចដើម្បីសុវត្ថិភាពចរាចរណ៍ ២០០សន្លឹក
៦.ខិតបណ្ណជំនួយស្មារតីស្តីពីសុវត្ថិភាពចរាចរណ៍ផ្លូវគោក ៦០០ ច្បាប់។
នៅរសៀល ថ្ងៃពុធ ១៥កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២០ ខែមីនា ឆ្នាំ២០១៩ នៅទីស្តីការក្រសួងសាធារណការ និងដឹកជញ្ជូន មានរៀបចំកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំខែមករា និងកុម្ភៈ ឆ្នាំ២០១៩ ក្រោមអធិបតីភាព ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន និងជាអនុប្រធានអចិន្ត្រៃយ៍គណៈកម្មាធិការជាតិសុវត្ថិភាពចរាចរណ៍ផ្លូវគោក ដោយមានអ្នកចូលរួមសរុបប្រមាណ ១២០នាក់។ តាមរយៈរបាយការណ៍ប្រចាំខែមករា និងកុម្ភៈឆ្នាំ២០១៩ គ្រោះថ្នាក់ចរាចរណ៍បានកើតឡើងចំនួន ៦៩៣លើក បណ្តាលឱ្យស្លាប់ចំនួន ៣១០នាក់ និងរបួសចំនួន ១.០៧៧នាក់ ចំនួនជនរងគ្រោះជាមធ្យមក្នុងមួយថ្ងៃស្លាប់ចំនួន ៥.៣នាក់ និងរបួសចំនួន ១៨នាក់។ មូលហេតុដែលនាំឱ្យមានគ្រោះថ្នាក់ចរាចរណ៍រួមមាន ការបើកបរលើសល្បឿនកំណត់ ៤០% មិនគោរពសិទ្ធិ ២២% មិនប្រកាន់ស្តាំ ១៥% វ៉ាជែង ៩% បត់ ៦% ស្រវឹង ៣% និង កត្តាយានយន្ត ៣% និងងងុយ២%។ គ្រោះថ្នាក់នេះបង្ករដោយ អ្នកបើកបរម៉តូចំនួន ៥០% អ្នកបើកបររថយន្តធុនស្រាលចំនួន ៣០% អ្នកបើកបររថយន្តធុនធ្ងន់ចំនួន ១៤% អ្នកបើកបរយានផ្សេងៗចំនួន ២.៨% និងថ្មើរជើងចំនួន ៣.២%។
នៅរសៀល ថ្ងៃចន្ទ ១៣កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែមីនា ឆ្នាំ២០១៩ នៅទីស្តីការក្រសួងសាធារណការ និងដឹកជញ្ជូន អគ្គលេខាធិការដ្ឋាន នៃគណៈកម្មាធិការជាតិសុវត្ថិភាពចរាចរណ៍ផ្លូវគោក បានរៀបចំកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំខែមករា និងកុម្ភៈ ឆ្នាំ២០១៩ ដើម្បីរាយការណ៍អំពីវឌ្ឍនភាពដែលអគ្គលេខាធិការដ្ឋាន នៃគ.ស.ច.គ. សម្រេចបាន ក្រោមអធិបតីភាព ឯកឧត្តម យុន ឈុន្នី រដ្ឋលេខាធិការ ក្រសួងមហាផ្ទៃ និងជាអគ្គលេខាធិការរង នៃអគ្គលេខាធិការដ្ឋាន គ.ស.ច.គ ព្រមទាំងមានការចូលរួមពី ឯកឧត្តម លោក លោកស្រី ជាសមាជិក សមាជិកា របស់អគ្គលេខាធិការដ្ឋាន នៃគណៈកម្មាធិការជាតិសុវត្ថិភាពចរាចរណ៍ផ្លូវគោក សរុបចំនួន ១២នាក់។
កិច្ចប្រជុំបានពិភាក្សាលើរបៀបវារៈដូចខាងក្រោម៖
នៅព្រឹក ថ្ងៃព្រហស្បតិ៍ ២កើត ខែផល្គុន ឆ្នាំច សំរឺទ្ធិស័ក ព.ស ២៥៦២ ត្រូវនឹងថ្ងៃទី០៧ ខែមីនា ឆ្នាំ២០១៩ ក្រុមការងាររបស់នាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក នៃក្រសួងសាធារណការ និងដឹកជញ្ជូន សហការជាមូយអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក និងដោយមានការឧបត្ថម្ភដោយអង្គការមូលនិធិសមាហរណកម្មអាស៊ាន-ជប៉ុន ហៅកាត់ថា “JAIF” បានបន្តយុទ្ធនាការអប់រំផ្សព្វផ្សាយសុវត្ថិភាពចរាចរណ៍ផ្លូវគោក ក្រោមគម្រោងប្រធានបទ “បន្ថយល្បឿន ដើម្បីអាយុជីវិតកុមារ” ដល់សិស្សានុសិស្សនៃសាលាបមឋសិក្សាដែលមានទីតាំងនៅតាមបណ្តោយផ្លូវជាតិលេខ១ ចំនួន៣ទីតាំងបន្ថែមទៀត រួមមាន៖ សាលាបឋមសិក្សាវាលស្បូវ សាលាបឋមសិក្សាព្រែកឯក និងសាលាបឋមសិក្សាយកបាត្រ និងបានជ្រើសរើសសិស្សានុសិស្សមកពីថ្នាក់ទី៤ ទី៥ និងទី៦ ដោយក្នុងសាលានីមួយៗជ្រើសរើសចំនួន ១០០នាក់។ សម្រាប់កម្មវិធីដំបូងនៃការអប់រំផ្សព្វផ្សាយ និងបណ្តុះបណ្តាលគឺជាវគ្គនៃការសិក្សាអំពីចំណេះដឹងមូលដ្ឋានទាក់ទងនឹងភ្លើងសញ្ញាចរាចរណ៍ គំនូសសញ្ញា និងផ្លាកសញ្ញាចរាចរណ៍សំខាន់ៗសម្រាប់ថ្មើរជើង វិធានសុវត្ថិភាពសម្រាប់ថ្មើរជើង ប្រការដែលត្រូវជៀសវាងមួយចំនួនសម្រាប់ថ្មើរជើង ព្រមទាំងសម្ភារសិក្សាមួយចំនួន ដូចជា សៀវភៅមេរៀនស្តីពីវិធានក្នុងការឆ្លងផ្លូវ ១ក្បាល ស្ទីកឃ័រចំណាំងផ្លាត ១សន្លឹក ខ្មៅដៃសម្រាប់ផាត់រូប ១ប្រអប់ ខៅ្មដៃ ១ដើម និងជ័រលុប ១ដុំ។
......................................
នៅព្រឹកថ្ងៃពុធ ១កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែមីនា ឆ្នាំ២០១៩ នៅសាលាបឋមសិក្សាច្បារអំពៅ ១ មានរៀបចំពិធីបើកយុទ្ធនាការអប់រំផ្សព្វផ្សាយសុវត្ថិភាពផ្លូវគោកដល់សិស្សានុសិស្សថ្នាក់បឋមសិក្សា ក្រោមប្រធានបទ“បន្ថយល្បឿន ដើម្បីអាយុជីវិតកុមារ” ដោយមានការចូលរួមជាអធិបតីភាពពី លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក កញ្ញា ម៉ាគិកូ ណាកាយ៉ាម៉ា តំណាងអង្គការ មូលនិធិសមាហរណកម្មអាស៊ាន ជប៉ុន និងអមដំណើរដោយ ឯកឧត្តមអនុរដ្ឋលេខាធិការ អគ្គនាយករង ប្រធាននាយកដ្ឋាន ប្រធានការិយាល័យ នៃក្រសួងសាធារណការ និងដឹកជញ្ជូន រួមទាំងតំណាងអគ្គស្នងការនគរបាលជាតិ នៃក្រសួងមហាផ្ទៃ លោកចៅសង្កាត់ច្បារអំពៅ និងលោកនាយក លោកគ្រូ អ្នកគ្រូ សិស្សានុសិស្ស នៃសាលាបឋមសិក្សាច្បារអំពៅ១ ប្រមាណ១៥០នាក់។
មានមតិស្វាគមន៍នៅជូនចំពោះអង្គពិធី កញ្ញា ម៉ាគិកូ ណាកាយ៉ាម៉ា បានសម្តែងនូវសង្ឃឹមថាសិស្សានុសិស្សនឹងរីករាយចំពោះការសិក្សារអំពីសុវត្ថិភាពចរាចរណ៍នាពេលនេះ និងបន្ទាប់ពីទទួលបានការបណ្តុះបណ្តាលអំពីសុវត្ថិភាពចរាចរណ៍សម្រាប់កុមារនេះរួច ប្អូនៗជាសិស្សានុសិស្សទាំងអស់នឹងយកចំណេះដឹងដែលទទួលបាន ទៅបង្ហាត់បង្រៀនដល់មិត្តភក្តិ និងក្រុមគ្រួសាររបស់ខ្លួនឱ្យបានចេះដឹងដូចខ្លួនដែរ។
| អាស័យដ្ឋាន : ផ្លូវលេខ 598, សង្កាត់ ច្រាំងចំរេះ២, ខណ្ឌឬស្សីកែវ, រាជធានីភ្នំពេញ, ប្រទេសកម្ពុជា |
| ទូរស័ព្ទដៃ : (៨៥៥)២៣ ៨៦៤ ០៨២ |
| អ៊ីម៉ែល : nrsc@nrsc.gov.kh |
