ទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១០
កិច្ចប្រជុំបូកសរុបលទ្ធផលត្រួតពិនិត្យការអនុវត្តច្បាប់ស្តីពីចរាចរណ៍ផ្លូវគោកប្រចាំឆ្នាំ២០១៦ និងទិសដៅការងារឆ្នាំ២០១៧
កិច្ចប្រជុំពិភាក្សាស្តីពី ទម្រង់បែមបទនៃបង្កាន់ដៃពិន័យអន្តរកាល
កុមារនិងការពាក់មួកសុវត្ថិភាពពេលចេញពីសាលា
កុមារនិងការពាក់មួកសុវត្ថិភាព
កាចុះអបរំផ្សព្វផ្សាងនៅខេត្តកំពង់ស្ពឺ
ពិធិចែកមួកសុត្ថិភាពដល់ អតិថិជន សាខាម៉ូតូ HONDA
ពិធីបណ្តុះបណ្តាលគ្រូបង្គោលផ្សព្វផ្សាយច្បាប់ស្តីពីចរាចរណ៍ផ្លូវគោក
ពិធីប្រកាសច្បាប់ស្តីពីចរាចរណ៍ផ្លូវគោកថ្មី
ពីការបណ្តុះបណ្តាលគ្រូបង្គោល
ពីកិច្ចប្រជុំស្តីពីសេចក្តីច្បាប់ចរាចរណ៍ផ្លូវគោកជាមួយគណះកម្មការទី៩រដ្ឋសភា
កិច្ចប្រជុំស្តីពីសេចក្តីច្បាប់ចរាចរណ៍ផ្លូវគោកជាមួយគណះកម្មការទី៩រដ្ឋសភា
សិក្ខាសាលាពិគ្រោះយោបលើសេចក្តីព្រាងច្បាប់ស្តីពី ចរាចរណ៍ផ្លូវគោក
សិក្ខាសាលាលើកម្ពស់ការយល់ដឹងអំពីការពាក់មួកសុវត្ថិភាព និងការបើកបរក្រោមឥទ្ធិពលគ្រឿស្រវឹង2
សិក្ខាសាលាលើកម្ពស់ការយល់ដឹងអំពីការពាក់មួកសុវត្ថិភាព និងការបើកបរក្រោមឥទ្ធិពលគ្រឿស្រវឹង
ពិធីប្រកាសផ្សព្វផ្សាយ ស្ពតអប់រំសុវត្ថិភាពចរាចរណ៍ផ្លូវគោក
យុទ្ធនាការលើកកម្ពស់ការយល់ដឹងអំពីការពាក់មួកសុវត្ថិភាព២
យុទ្ធនាការលើកកម្ពស់ការយល់ដឹងអំពីការពាក់មួកសុវត្ថិភាព
កម្មវិធីសិក្សាអំពី Arc GIS
សកម្មភាពក្រោយពីទទួលបានមួកនៅក្នុងទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី៧!
មួកសុវត្ថិភាពជួយសង្គ្រោះជីវិត
អ្នករួមដំណើរតាមទោចក្រយានយន្ត គិតទាំងកុមារត្រូវតែពាក់មួកសុវត្ថិភាព
មួកសុវត្ថិភាពមួយ ជួយជីវិតបានម្នាក់
យល់ដឹងពីផ្លាកសញ្ញា
ពិធីបើកយុទ្ធនាការអប់រំផ្សព្វផ្សាយសុវត្ថិភាពផ្លូវគោកដល់សិស្សានុសិស្សថ្នាក់បឋមសិក្សា

ពិធីបើកយុទ្ធនាការអប់រំផ្សព្វផ្សាយសុវត្ថិភាពផ្លូវគោកដល់សិស្សានុសិស្សថ្នាក់បឋមសិក្សា នៅសាលាបឋមសិក្សាច្បារអំពៅ១ ក្រោមអធិបតីភាព លោកជំទាវ មឹន មាណវី
......................................
នៅព្រឹកថ្ងៃពុធ ១កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែមីនា ឆ្នាំ២០១៩ នៅសាលាបឋមសិក្សាច្បារអំពៅ ១ មានរៀបចំពិធីបើកយុទ្ធនាការអប់រំផ្សព្វផ្សាយសុវត្ថិភាពផ្លូវគោកដល់សិស្សានុសិស្សថ្នាក់បឋមសិក្សា ក្រោមប្រធានបទ“បន្ថយល្បឿន ដើម្បីអាយុជីវិតកុមារ” ដោយមានការចូលរួមជាអធិបតីភាពពី លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក កញ្ញា ម៉ាគិកូ ណាកាយ៉ាម៉ា តំណាងអង្គការ មូលនិធិសមាហរណកម្មអាស៊ាន ជប៉ុន និងអមដំណើរដោយ ឯកឧត្តមអនុរដ្ឋលេខាធិការ អគ្គនាយករង ប្រធាននាយកដ្ឋាន ប្រធានការិយាល័យ នៃក្រសួងសាធារណការ និងដឹកជញ្ជូន រួមទាំងតំណាងអគ្គស្នងការនគរបាលជាតិ នៃក្រសួងមហាផ្ទៃ លោកចៅសង្កាត់ច្បារអំពៅ និងលោកនាយក លោកគ្រូ អ្នកគ្រូ សិស្សានុសិស្ស នៃសាលាបឋមសិក្សាច្បារអំពៅ១ ប្រមាណ១៥០នាក់។
មានមតិស្វាគមន៍នៅជូនចំពោះអង្គពិធី កញ្ញា ម៉ាគិកូ ណាកាយ៉ាម៉ា បានសម្តែងនូវសង្ឃឹមថាសិស្សានុសិស្សនឹងរីករាយចំពោះការសិក្សារអំពីសុវត្ថិភាពចរាចរណ៍នាពេលនេះ និងបន្ទាប់ពីទទួលបានការបណ្តុះបណ្តាលអំពីសុវត្ថិភាពចរាចរណ៍សម្រាប់កុមារនេះរួច ប្អូនៗជាសិស្សានុសិស្សទាំងអស់នឹងយកចំណេះដឹងដែលទទួលបាន ទៅបង្ហាត់បង្រៀនដល់មិត្តភក្តិ និងក្រុមគ្រួសាររបស់ខ្លួនឱ្យបានចេះដឹងដូចខ្លួនដែរ។
ថ្លែងក្នុងពិធីបើកយុទ្ធនាការ លោកជំទាវ មឹន មាណវី បានប្រសាសន៍ថាបញ្ហាគ្រោះថ្នាក់ចរាចរណ៍គឺជាក្តីកង្វល់របស់រាជរដ្ឋាភិបាលកម្ពុជា គ្រោះថ្នាក់ចរាចរណ៍បានបណ្តាលឱ្យមានអ្នកស្លាប់ របួស ពិការ និងខូចខាតសម្ភារអស់ជាច្រើន ហើយក្នុងចំនោមអ្នកស្លាប់ដោយសារគ្រោះថ្នាក់ចរាចរណ៍ក្នុងឆ្នាំ២០១៨ គឺមានកុមារប្រមាណ ៩%។ ដោយឡែកកត្តាចម្បងដែលបង្កឱ្យមានគ្រោះថ្នាក់គឺមនុស្ស ដោយសារការបើកបរលើសល្បឿនកំណត់ ការវ៉ាជែង ការបត់ដោយប្រថុយប្រថាន ការមិនគោរពសិទ្ធិអាទិភាព ការស្រវឹង ការងងុយ និងការមិនយកចិត្តទុកដាក់លើបញ្ហាបច្ចេកទេសយានយន្ត។ ដោយមើលឃើញពីបញ្ហាប្រឈមនេះ ក្រសួងសាធារណការ និងដឹកជញ្ជូន បានសហការជាមួយអគ្គលេខាធិការដ្ឋាន គ.ស.ច.គ និងដោយទទួលបានការឧបត្ថម្ភពីអង្គការសមាហរណកម្មអាស៊ាន-ជប៉ុន បានរៀបចំជាវគ្គបណ្តុះបណ្តាលអំពីសុវត្ថិភាពចរាចរណ៍ដល់កុមារថ្នាក់បឋមសិក្សានាពេលនេះ គឺដើម្បីឱ្យក្មួយៗសិស្សានុសិស្សទទួលបានចំណេះដឹងអំពីសុវត្ថិភាពចរាចរណ៍តាំងពីកុមារភាព និងក្លាយជាមូលដ្ឋានរឹងមាំធានាសុវត្ថិភាពក្នុងការរួមចំណែកកាត់បន្ថយគ្រោះថ្នាក់ចរាចរណ៍ និងឈានទៅលុបបំបាត់នាពេលអនាគត។ 
នៅពេលបញ្ចប់ពិធីបើកយុទ្ធនាការនេះរួចមក ក៏មានពិធីប្រគល់សម្ភារសុវត្ថិភាពជូនដល់តំណាងសាលាបឋមសិក្សាច្បារអំពៅ១ បន្ទាប់មកទៀតគណៈអធិបតីបានចូលរួមក្នុងកម្មវិធី “ការណែនាំអំពីវិធានសុវត្ថិភាពក្នុងការឆ្លងផ្លូវ” ដោយប្រើប្រាស់រនាំង និងសម្ភារសុវត្ថិភាព ព្រមទាំងបានពិនិត្យមើលដំណើរការនៃការបណ្តុះបណ្តាលស្តីពីសុវត្ថិភាពចរាចរណ៍សម្រាប់កុមាររហូតដល់បញ្ចប់កម្មវិធី។ 
សូមបញ្ជាក់ថាសិស្សានុសិស្សដែលបានជ្រើសរើសចូលរួមក្នុងវគ្គបណ្តុះបណ្តាលនេះ សរុបមានចំនួន ១០០នាក់ ហើយក្នុងម្នាក់ៗទទួលបានសៀវភៅមេរៀនស្តីពីវិធានក្នុងការឆ្លងផ្លូវ១ក្បាល ស្ទីកឃ័រចំណាំងផ្លាត១សន្លឹក ឧបករណ៍សម្រាប់ផាត់រូប១ប្រអប់ ខ្មៅដៃ១ដើម និងជ័រលុប១ដុំ។ ដោយឡែកសម្ភារដែលត្រូវប្រគល់ជូនសាលាបឋមសិក្សា រួមមាន រនាំងសុវត្ថិភាពចំនួន៤រនាំង អាវចំណាំងសុវត្ថិភាពចំនួន១០អាវ កញ្ជែសុវត្ថិភាពចំនួន ២កញ្ជែ និងបដាសុវត្ថិភាពចំនួន២ផ្ទាំង។

អត្តបទ ទាក់ទង
ជំនួបពិភាក្សាស្តីពីវឌ្ឍនភាពការងារលើការអនុវត្តគម្រោងយុទ្ធនាការសុវត្ថិភាពចរាចរណ៍ “បន្ថយល្បឿន ដើម្បីអាយុជីវិតកុមារ”
ថ្ងៃអង្គារ ៥កើត ខែចេត្រ ឆ្នាំ ច សំរឹទ្ធិស័ក ព.ស២៥៦២ ត្រូវនឹងថ្ងៃទី ៩ ខែ មេសា ឆ្នាំ២០១៩ នៅទីស្តីការក្រសួងសាធារណការ និងដឹកជញ្ជូន មានជំនួបពិភាក្សាស្តីពីវឌ្ឍនភាពការងារលើការអនុវត្តគម្រោងយុទ្ធនាការសុវត្ថិភាពចរាចរណ៍ “បន្ថយល្បឿន ដើម្បីអាយុជីវិតកុមារ” ដែលមានសមាសភាពចូលរួម រួមមាន ក្រុមការងារនៃនាយកដ្ឋានសុវត្ថិភាពចរាចរណ៍ ដឹកនាំដោយ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ និង តំណាងអង្គការមូលនិធិសមាហរណកម្មជប៉ុន អាស៊ាន (JAIF) ដឹកនាំដោយ លោក Takashi Nakajima អគ្គនាយករងរបស់ក្រុមហ៊ុនវិស្វកម្មអន្តរជាតិ CTI ទទួលបន្ទុកគ្រប់គ្រងគម្រោងយុទ្ធនាការ។ 
នៅក្នុងជំនួបប្រជុំនេះ ក្រុមការងារនាយកដ្ឋានសុវត្ថិភាពចរាចរណ៍ផ្លូវគោក បានរាយការណ៍អំពីសកម្មភាពការងារជារួមដែលនាយកដ្ឋានសម្រេចបាននាពេលកន្លងមក និងបានប្រគល់ឯកសារហិរញ្ញវត្ថុ រួមទាំងរបាយការណ៍សកម្មភាពការងារ ជូនលោកTakashi Nakajima ដើម្បីរាយការណ៍បន្ត។ លោក Takashi Nakajima បានថ្លែងការកោតសរសើរដល់ការខិតខំប្រឹងប្រែងរបស់ក្រុមការងារនាយកដ្ឋាន និងបានឯកភាពលើសំណើផ្តល់មូលនិធិដំណាក់កាលទី២ ដោយរង់ចាំតែលិខិតស្នើសុំជាផ្លូវការពីខាងភាគីនាយកដ្ឋាន មុននឹងសម្រេចផ្តល់ជូនតាមការស្នើសុំ។
កិច្ចប្រជុំត្រួតពិនិត្យលទ្ធផលការងារសុវត្ថិភាពចរាចរណ៍ផ្លូវគោកប្រចាំត្រីមាសទី១ ឆ្នាំ២០១៩ របស់គណៈកម្មាធិការជាតិសុវត្ថិភាពចរណ៍ផ្លូវគោក
កិច្ចប្រជុំត្រួតពិនិត្យលទ្ធផលការងារសុវត្ថិភាពចរាចរណ៍ផ្លូវគោកប្រចាំត្រីមាសទី១ ឆ្នាំ២០១៩ របស់គណៈកម្មាធិការជាតិសុវត្ថិភាពចរណ៍ផ្លូវគោក 

នៅព្រឹក ថ្ងៃអង្គារ ៥កើត ខែចេត្រ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៩ ខែមេសា ឆ្នាំ២០១៩ នៅទីស្តីការក្រសួងមហាផ្ទៃ មានររៀបចំកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំត្រីមាសទី១ ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក។ 
សមាសភាពដែលបានអញ្ជើញចូលរួមជាគណៈអធិបតីក្នុងកិច្ចប្រជុំ រួមមាន ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាអនុប្រធានអចិន្ត្រៃយ៍ គ.ស.ច.គ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ព្រមទាំងតំណាងក្រសួង ស្ថាប័នពាក់ព័ន្ធ ថ្នាក់ជាតិ និងថ្នាក់ក្រោមជាតិ អង្គការជាតិ និងអន្តរជាតិ និងវិស័យឯកជន សរុបប្រមាណ ១៧០រូប។
ពិធីសំណេះសំណាលការងាររបស់នាយកដ្ឋានសុវត្ថិភាពចរាចរណ៍ផ្លូវគោកប្រចាំត្រីមាសទី១
នៅព្រឹកថ្ងៃព្រស្បតិ៍ ១៥រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៤ ខែមេសា ឆ្នាំ២០១៩ ឯកឧត្តម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក បានចូលរួមជាអធិបតី ក្នុងពិធីសំណេះសំណាលការងាររបស់នាយកដ្ឋានសុវត្ថិភាពចរាចរណ៍ផ្លូវគោកប្រចាំត្រីមាសទី១ ឆ្នាំ២០១៩ នៅទីស្តីការក្រសួងសាធារណការ និងដឹកជញ្ជូន។ 
ពិធីសំណេះសំណាលនេះ ក៏មានការអញ្ជើញចូលរួមរបស់ លោក ឌុយ ច័ន្ទដារ៉ា អគ្គនាយករងដឹកជញ្ជូនផ្លូវគោក ទទួលបន្ទុកការងារសុវត្ថិភាពចរាចរណ៍ផ្លូវគោក លោក សូ ពីសី អគ្គនាយករងដឹកជញ្ជូនផ្លូវគោក ទទួលបន្ទុកការងារសុវត្ថិភាពចរាចរណ៍ផ្លូវគោក លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក លោក លោកស្រីអនុប្រធាននាយកដ្ឋាន ប្រធានការិយាល័យ អនុប្រធានការិយាល័យ និងមន្ត្រីពាក់ព័ន្ធ សរុបចំនួន ១៤នាក់។
ជំនួបពិភាក្សាការងារ រវាងអគ្គលេខាធិការដ្ឋាន គ.ស.ច.គ និងតំណាងក្រុមហ៊ុន MSA
ជំនួបពិភាក្សាការងារ រវាងអគ្គលេខាធិការដ្ឋាន គ.ស.ច.គ និងតំណាងក្រុមហ៊ុន MSA នៅព្រឹកថ្ងៃព្រស្បតិ៍ ១៥រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៤ ខែមេសា ឆ្នាំ២០១៩ នៅទីស្តីការក្រសួងសាធារណការ និងដឹកជញ្ជូន លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋាន គ.ស.ច.គ បានអនុញ្ញាតឱ្យ លោក សុខ គីមនីតតា ប្រធានក្រុមហ៊ុន Marketing Solutions Asian Ltd (MSA) ចូលជួបពិភាក្សាការងារលើ គម្រោងស្នើសុំដំឡើងផ្ទាំងប៉ាន់ណូផ្សព្វផ្សាយដែលមានសារសុវត្ថិភាពចរាចរណ៍ ការរៀបចំយុទ្ធនាការដើរដើម្បីសុវត្ថិភាព និងគម្រោងជ្រើសរើសឯកអគ្គរដ្ឋទូតសុឆន្ទៈទទួលបន្ទុកការងារសុវត្ថិភាពចរាចរណ៍ផ្លូវគោកប្រចាំប្រទេសកម្ពុជា។ 
កិច្ចពិភាក្សានេះ ក៏មានការអញ្ជើញចូលរួមពីសមាជិក សមាជិកានៃអគ្គលេខាធិការដ្ឋាន គ.ស.ច.គ មន្ត្រីនៃនាយកដ្ឋានសុវត្ថិភាពចរាចរណ៍ផ្លូវគោក និង បុគ្គលិកក្រុមហ៊ុន MSA ចំនួន ១២នាក់។
ភ្ជាប់ទៅកាន់គេហទំព័រសំខាន់
មូលនិធិយានយន្តអន្តរជាតិ http://www.fia.org
អង្គការសហប្រជាជាតិ http://www.un.org
ធនាគារពិភពលោក http://www.worldbank.org
សំនួរ​ សាកល្បង
តើនៅក្នុងទីប្រជុំជន អ្នកបើកបរម៉ូតូក្នុងល្បឿន ៣០ គ.ម ក្នុងមួយម៉ោង តើអ្នកត្រូវរក្សាទុកចន្លោះសុវត្ថិភាពប៉ុន្មានម៉ែត្រ?
យ៉ាងតិច ៩ ម៉ែត្រ
យ៉ាងតិច ៧ ម៉ែត្រ
យ៉ាងតិច ៥ ម៉ែត្រ
ចូល​ជ្រើស​រើស​ចម្លើយ​ដែល​បង្ហាញ អំពី​យោបល់​​របស់​អ្នក