ទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១០
កិច្ចប្រជុំបូកសរុបលទ្ធផលត្រួតពិនិត្យការអនុវត្តច្បាប់ស្តីពីចរាចរណ៍ផ្លូវគោកប្រចាំឆ្នាំ២០១៦ និងទិសដៅការងារឆ្នាំ២០១៧
កិច្ចប្រជុំពិភាក្សាស្តីពី ទម្រង់បែមបទនៃបង្កាន់ដៃពិន័យអន្តរកាល
កុមារនិងការពាក់មួកសុវត្ថិភាពពេលចេញពីសាលា
កុមារនិងការពាក់មួកសុវត្ថិភាព
កាចុះអបរំផ្សព្វផ្សាងនៅខេត្តកំពង់ស្ពឺ
ពិធិចែកមួកសុត្ថិភាពដល់ អតិថិជន សាខាម៉ូតូ HONDA
ពិធីបណ្តុះបណ្តាលគ្រូបង្គោលផ្សព្វផ្សាយច្បាប់ស្តីពីចរាចរណ៍ផ្លូវគោក
ពិធីប្រកាសច្បាប់ស្តីពីចរាចរណ៍ផ្លូវគោកថ្មី
ពីការបណ្តុះបណ្តាលគ្រូបង្គោល
ពីកិច្ចប្រជុំស្តីពីសេចក្តីច្បាប់ចរាចរណ៍ផ្លូវគោកជាមួយគណះកម្មការទី៩រដ្ឋសភា
កិច្ចប្រជុំស្តីពីសេចក្តីច្បាប់ចរាចរណ៍ផ្លូវគោកជាមួយគណះកម្មការទី៩រដ្ឋសភា
សិក្ខាសាលាពិគ្រោះយោបលើសេចក្តីព្រាងច្បាប់ស្តីពី ចរាចរណ៍ផ្លូវគោក
សិក្ខាសាលាលើកម្ពស់ការយល់ដឹងអំពីការពាក់មួកសុវត្ថិភាព និងការបើកបរក្រោមឥទ្ធិពលគ្រឿស្រវឹង2
សិក្ខាសាលាលើកម្ពស់ការយល់ដឹងអំពីការពាក់មួកសុវត្ថិភាព និងការបើកបរក្រោមឥទ្ធិពលគ្រឿស្រវឹង
ពិធីប្រកាសផ្សព្វផ្សាយ ស្ពតអប់រំសុវត្ថិភាពចរាចរណ៍ផ្លូវគោក
យុទ្ធនាការលើកកម្ពស់ការយល់ដឹងអំពីការពាក់មួកសុវត្ថិភាព២
យុទ្ធនាការលើកកម្ពស់ការយល់ដឹងអំពីការពាក់មួកសុវត្ថិភាព
កម្មវិធីសិក្សាអំពី Arc GIS
សកម្មភាពក្រោយពីទទួលបានមួកនៅក្នុងទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី៧!
មួកសុវត្ថិភាពជួយសង្គ្រោះជីវិត
អ្នករួមដំណើរតាមទោចក្រយានយន្ត គិតទាំងកុមារត្រូវតែពាក់មួកសុវត្ថិភាព
មួកសុវត្ថិភាពមួយ ជួយជីវិតបានម្នាក់
យល់ដឹងពីផ្លាកសញ្ញា
ការប្រារព្ធទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១២ នៅស្រុកពញាក្រែក ខេត្តត្បូងឃ្មុំ

ការប្រារព្ធទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១២ នៅស្រុកពញាក្រែក ខេត្តត្បូងឃ្មុំ

ថ្ងៃអង្គារ ៩កើត ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១១ ខែមិថុនា ឆ្នាំ២០១៩ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក ជាអធិបតីភាពដ៏ខ្ពង់ខ្ពស់ក្នុងទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១២ ដែលបានប្រព្រឹត្តឡើងនៅ ភូមិពោធិ៍ ឃុំកោងកាង ស្រុកពញាក្រែក ខេត្តត្បូងឃ្មុំ និងមានការចូលរួមពីអាជ្ញាធរដែនដី កងកម្លាំងនគរបាល កងកម្លាំងរាជអាវុធហត្ថ លោកគ្រូ អ្នកគ្រូ សិស្សានុសិស្ស យុវជនកាកបាទក្រហម សហភាពសហព័ន្ធយុវជនកម្ពុជា កាយរិទ្ធិ ប្រជាពលរដ្ឋប្រមាណជាង ៤.០០០នាក់។
ទិវាសប្តាហ៍សុវត្ថិភាពចរាចរណ៍ផ្លូវគោកលើកទី១២នាពេលនេះ មានការសហការ និងរៀបចំឡើងដោយអគ្គលេខាធិការដ្ឋាននៃគណៈកម្មាធិការជាតិសុវត្ថិភាពចរាចរណ៍ផ្លូវគោក និងអនុគណៈកម្មការសុវត្ថិភាពចរាចរណ៍ផ្លូវគោកខេត្តត្បូងឃ្មុំ ក្នុងគោលបំណងផ្ញើសារក្រើនរំលឹកដល់ប្រជាពលរដ្ឋដែលជាអ្នកប្រើប្រាស់ផ្លូវទាំងអស់ ឱ្យយកចិត្តទុកខ្ពស់ចូលរួមគោរពច្បាប់ចរាចរណ៍ផ្លូវគោក បង្កើនការប្រុងប្រយ័ត្នរាល់ពេលធ្វើដំណើរតាមដងផ្លូវ ព្រមទាំងត្រូវមានសីលធម៌ ការយោគយល់អធ្យាស្រ័យ ដើម្បីឈានទៅលុបបំបាត់គ្រោះថ្នាក់ចរាចរណ៍។ 
សម្តេចក្រឡាហោម បានលើកឡើងអំពីវិធានការសម្រាប់យកទៅអនុវត្តក្នុងការលុបបំបាត់គ្រោះថ្នាក់ចរាចរណ៍រួមមាន៖ ១.មិនត្រូវបើកបរលើសល្បឿនកំណត់ដាច់ខាត ២.មិនត្រូវបើកបរក្រោមឥទ្ធិពលនៃគ្រឿងស្រវឹងដាច់ខាត ៣.មិនត្រូវបើកបរក្រោមឥទ្ធិពលនៃគ្រឿងញៀនដាច់ខាត ៤.មិនត្រូវបើកបរក្រោមឥទ្ធិពលនៃការងងុយដេកដាច់ខាត ៥.ត្រូវចេះបើកបរឱ្យបានត្រឹមត្រូវដាច់ខាត ៦.ត្រូវពាក់មួកសុវត្ថិភាពដាច់ខាត(សម្រាប់អ្នកជិះទោចក្រយានយន្ត) ៧.ត្រូវពាក់ខ្សែក្រវាត់សុវត្ថិភាពជានិច្ចពេលបើកបរ ៨.ត្រូវប្រកាន់ស្តាំជានិច្ច ៩.ត្រូវត្រួតពិនិត្យលក្ខណៈបច្ចេកទេសយានយន្តមុនពេលធ្វើដំណើរ ១០.លើកកម្ពស់ការប្រុងប្រយ័ត្នជានិច្ច។ 
ទន្ទឹមនឹងនេះ សម្តេចបានស្នើឱ្យអនុគណៈកម្មការសុវត្ថិភាពចរាចរណ៍រាជធានី-ខេត្តទាំងអស់សហការបង្កើនការអប់រំផ្សព្វផ្សាយអំពីសុវត្ថិភាពចរាចរណ៍ និងចាត់វិធានការក្នុងការអនុវត្តច្បាប់ ទប់ស្កាត់ការនាំចូលយានយន្តដែលគេចវេសពីការបង់ពន្ធពីប្រទេសជិតខាង ការប្រើប្រាស់យានយន្តដោយគ្មានបណ្ណសម្គាល់ និងផ្លាកលេខ ឬការប្រើប្រាស់បណ្ណសម្គាល់យានយន្ត និងផ្លាកលេខក្លែងក្លាយជាដើម។ សម្តេចក្រឡាហោម ក៏បានស្នើឱ្យអនុគណៈកម្មការសុវត្ថិភាពចរាចរណ៍រាជធានី-ខេត្តទាំងអស់ត្រូវមានចលនាប្រលងប្រណាំងថ្មី ក្រោមប្រធានបទ តំបន់ពិសេសនៃសុវត្ថិភាពចរាចរណ៍ផ្លូវគោក ដោយអនុវត្តតាមការណែនាំរបស់គណៈកម្មាធិការជាតិសុវតិភាពចរាចរណ៍ផ្លូវគោក។ 
បន្ថែមពីនេះទៀត សម្តេចក្រឡាហោម បានស្នើឱ្យក្រុមហ៊ុនដឹកអ្នកដំណើរ និងទំនិញទាំងអស់ត្រូវចូលរួមផ្សព្វផ្សាយច្បាប់ចរាចរណ៍ផ្លូវគោកដល់អ្នកបើកបររបស់ខ្លួនឱ្យគោរពច្បាប់ចរាចរណ៍ ជាពិសេសស្នើដល់សមាជិកសមាជិកានៃអង្គពិធីទាំងមូល សូមជួយផ្សព្វផ្សាយបន្តដល់បងប្អូន មិត្តភក្តិ និងត្រូវខិតខំអនុវត្តវិធានការសុវត្ថិភាពឱ្យបានខ្ជាប់ខ្ជួន និងមានការប្រុងប្រយ័ត្នខ្ពស់នៅពេលធ្វើដំណើរតាមដងផ្លូវ។ 
នៅទីបញ្ចប់សម្តេចក្រឡាហោម បានអញ្ជើញជាអធិបតីក្នុងការបំពាក់មួកសុវត្ថិភាពជានិមិត្តរូបដល់ កងកម្លាំងនគរបាល កងកម្លាំងរាជអាវុធហត្ថ លោកគ្រូ អ្នកគ្រូ សិស្សានុសិស្ស កាកបាទក្រហម សហភាពសហព័ន្ធយុវជនកម្ពុជា ជាតំណាងសរុបចំនួន ២០រូប។

អត្តបទ ទាក់ទង
យុទ្ធនាការអប់រំផ្សព្វផ្សាយច្បាប់ស្តីពីសុវត្ថិភាពចរាចរណ៍ផ្លូវគោក និងពង្រឹងការពាក់មូកសុវត្ថិភាពជូនដល់ប្រជាពលរដ្ឋក្នុងខេត្តស្វាយរៀង
យុទ្ធនាការអប់រំផ្សព្វផ្សាយច្បាប់ស្តីពីសុវត្ថិភាពចរាចរណ៍ផ្លូវគោក និងពង្រឹងការពាក់មូកសុវត្ថិភាពជូនដល់ប្រជាពលរដ្ឋក្នុងខេត្តស្វាយរៀង  នៅព្រឹកថ្ងៃព្រហស្បតិ៍ ១៣រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៩ ខែសីហា ឆ្នាំ២០១៨ នៅតាមបណ្តោយផ្លូវជាតិលេខ១០៧ កែងផ្លូវ២០៩ ក្បែរផ្សារវាលយន្ត ក្រុងស្វាយរៀង ក្រុមការងារនាយកដ្ឋានសុវត្ថិភាពចរាចរណ៍ផ្លូវគោកនៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន អគ្គលេខាធិការដ្ឋាននៃគណៈកម្មាធិការជាតិសុវត្ថិភាពចរាចរណ៍ផ្លូវគោក សហភាពសហព័ន្ធយុវជនកម្ពុជាវិស័យសាធារណការ និងដឹកជញ្ជូន សហការជាមួយមន្ទីរសាធារណការ និងដឹកជញ្ជូន ខេត្តស្វាយរៀង និងកងកម្លាំងអធិការដ្ឋាននគរបាលចរាចរណ៍ផ្លូវគោកផ្លូវគោក បានចុះធ្វើយុទ្ធនាការអប់រំផ្សព្វផ្សាយច្បាប់ និងសុវត្ថិភាពចរាចរណ៍ផ្លូវគោក ជូនដល់ប្រជាពលរដ្ឋ ដែលកំពុងធ្វើដំណើរតាមដងផ្លូវក្នុងក្រុងស្វាយរៀង ដើម្បីជាការពញ្ញាក់ស្មារតីឱ្យមានការប្រុងប្រយ័ត្នខ្ពស់លើសុវត្ថិភាពនៅពេលធ្វើដំណើរតាមដងផ្លូវ និងបង្កើនការយល់ដឹងបន្ថែមអំពីច្បាប់ចរាចរណ៍ផ្លូវគោកផងដែរ។
ចុះសិក្សាទីតាំងដែលមានគ្រោះថ្នាក់ចរាចរណ៍ញឹកញាប់(ជើងកប) តាមបណ្តោយផ្លូវជាតិលេខ ១
ការចុះសិក្សាតំបន់ ដែលមានគ្រោះថ្នាក់ចរាចរណ៍ញាឹកញាប់(ជើងកប) នៅខេត្តស្វាយរៀង នៅថ្ងៃអង្គារ ១១ រោច ខែទុតិយសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៧ ខែសីហា ឆ្នាំ២០១៨ ក្រុមការងារនាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន សហការជាមួយអគ្គលេខាធិការដ្ឋាននៃគណៈកម្មកាធិការជាតិសុវត្ថិភាពចរាចរណ៍ផ្លូវគោក សមាជិកគណៈកម្មការអនុវត្តកម្មវិធីធ្វើឱ្យប្រសើរឡើងនូវសុវត្ថិភាពផ្លូវថ្នល់ (iRAP) មន្ទីរសាធារណការ និងដឹកជញ្ជូនខេត្តស្វាយរៀង បានចុះសិក្សាទីតាំងដែលមានគ្រោះថ្នាក់ចរាចរណ៍ញឹកញាប់(ជើងកប) តាមបណ្តោយផ្លូវជាតិលេខ ១ ត្រង់បង្គោលគីឡូម៉ែត្រលេខ ១២៣+៧៥០ (ភូមិរូបគោ សង្កាត់ព្រៃឆ្លាក់ ក្រុងស្វាយរៀង) បង្គោលគីឡូម៉ែត្រលេខ ១២៦+៥០០ (ភូមិបាក់រនាស់ សង្កាត់សង្ឃ័រ ក្រុងស្វាយរៀង)
ពិភាក្សាការងាររវាងនាយកដ្ឋានសុវត្ថិភាពចរាចរណ៍ផ្លូវគោកនិង លោក តាកាស៊ី ណាកាជីម៉ា នាយករងគ្រប់គ្រងទូទៅ ការអភិវឌ្ឍផ្នែកដឹកជញ្ជូនផ្លូវគោក
នាព្រឹកថ្ងៃពុធ ១៤រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១១ ខែកក្កដា ឆ្នាំ២០១៨ នៅក្រសួងសាធារណការ និងដឹកជញ្ជូន បានរៀបចំកិច្ចពិភាក្សាការងាររវាងនាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក ដឹកនាំដោយ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក និង លោក តាកាស៊ី ណាកាជីម៉ា នាយករងគ្រប់គ្រងទូទៅ ការអភិវឌ្ឍផ្នែកដឹកជញ្ជូនផ្លូវគោក មកពីប្រទេសជប៉ុន ដើម្បីពិភាក្សាលម្អិតលើគម្រោងធ្វើយុទ្ធនាការសុវត្ថិភាពចរាចរណ៍ផ្លូវគោកសម្រាប់អ្នកថ្មើរជើងជាកុមារ ក្រោមប្រធានបទ “Save Our Kids, Speed Down” នៅសាលាបឋម
យុទ្ធនាការសុវត្ថិភាពចរាចរណ៍ផ្លូវគោកសម្រាប់កុមារកម្ពុជា នៅសាលាបឋមសិក្សាកូលាបទី១
យុទ្ធនាការសុវត្ថិភាពចរាចរណ៍ផ្លូវគោកសម្រាប់កុមារកម្ពុជា នៅសាលាបឋមសិក្សាកូលាបទី១ ក្រោមក្រោមអធិបតីភាព លោកជំទាវ មឹន មាណវី

នៅថ្ងៃសុក្រ ២រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែមិថុនា ឆ្នាំ២០១៨ នៅសាលាបឋមសិក្សាកូលាបទី១ មានរៀបចំ យុទ្ធនាការសុវត្ថិភាពចរាចរណ៍ផ្លូវគោកសម្រាប់កុមារកម្ពុជា ក្រោមអធិបតីភាព លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋាន គ.ស.ច.គ និង មានការចូលរួមពី ឯកឧត្តម ប៉ែន បូរាណ អនុរដ្ឋលេខាធិការក្រសួងសាធារណការ និងដឹកជញ្ជូន លោក ប្រាយអាន នាយកប្រតិបត្តិ និងក្រុមប្រឹក្សាភិបាលរបស់ក្រុមហ៊ុនហ៊ីយ៉ាន់ដាយកាំកូម៉ូទ័រ លោក ចុង យុនហ្គីល នាយកប្រចាំប្រទេសនៃទីភ្នាក់ងារសហប្រតិបត្តិការអន្តរជាតិកូរ៉េ (KOICA) ព្រមទាំងលោកប្រធាននាយកដ្ឋានសុវត្ថិភាពចរាចរណ៍ផ្លូវគោក លោកស្រីប្រធាននាយកដ្ឋានដឹកជញ្ជូនផ្លូវគោក សមាជិកអគ្គលេខាធិកាដ្ឋាន គ.ស.ច.គ នាយក នាយករងសាលាកុលាបទី១ មន្ត្រីនាយកដ្ឋានសុវត្ថិភាពចរាចរណ៍ផ្លូវគោក ក្រុមការងារកយកា ក្រុមការងារក្រុមហ៊ុនហ៊ីយ៉ាន់ដាយកាំកូម៉ូទ័រ លោក សិស្សានុសិស្ស សរុបប្រមាណ ២៧០នាក់។
ភ្ជាប់ទៅកាន់គេហទំព័រសំខាន់
មូលនិធិយានយន្តអន្តរជាតិ http://www.fia.org
អង្គការសហប្រជាជាតិ http://www.un.org
ធនាគារពិភពលោក http://www.worldbank.org
សំនួរ​ សាកល្បង
តើនៅក្នុងទីប្រជុំជន អ្នកបើកបរម៉ូតូក្នុងល្បឿន ៣០ គ.ម ក្នុងមួយម៉ោង តើអ្នកត្រូវរក្សាទុកចន្លោះសុវត្ថិភាពប៉ុន្មានម៉ែត្រ?
យ៉ាងតិច ៩ ម៉ែត្រ
យ៉ាងតិច ៧ ម៉ែត្រ
យ៉ាងតិច ៥ ម៉ែត្រ
ចូល​ជ្រើស​រើស​ចម្លើយ​ដែល​បង្ហាញ អំពី​យោបល់​​របស់​អ្នក