កិច្ចប្រជុំប្រចាំខែកញ្ញា ឆ្នាំ២០១៩ របស់នាយកដ្ឋានសុវត្ថិភាពចរាចរណ៍ផ្លូវគោក
 

ថ្ងៃព្រហស្បតិ៍ ៦រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែកញ្ញា ឆ្នាំ២០១៩ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោកបានដឹកនាំកិច្ចប្រជុំប្រចាំខែកញ្ញា ឆ្នាំ២០១៩ ស្តីអំពីវឌ្ឍនភាពការងាររបស់នាយកដ្ឋាន នៅសាលប្រជុំអគ្គនាយកដ្ឋានដឹកជញ្ជូនផ្លូវគោកនៃទីស្តីការក្រសួងសាធារណការ និងដឹកជញ្ជូន។ កិច្ចប្រជុំក៏បានធ្វើការកែសម្រួលលើការការបែងចែកតួនាទី និងភារកិច្ចសម្រាប់មន្ត្រីក្នុងនាយកដ្ឋានសុវត្ថិភាពចរាចរណ៍ផ្លូវគោក មុននឹងមានការរាយការណ៍អំពីសកម្មភាពការងារតាមការិយាល័យនីមួយៗ ជូនដល់អង្គប្រជុំ ដោយមានទាំងលើកឡើងអំពីបញ្ហាប្រឈម និងសំណូមផ្សេងៗ ធ្វើជាទិសដៅការងារសម្រាប់ដោះស្រាយបន្ត។ កិច្ចប្រជុំនាពេលនេះ មានការចូលរួមពីអនុប្រធាននាយកដ្ឋាន ប្រធានការិយាល័យ អនុប្រធានការិយាល័យ និងមន្ត្រីក្រោមឱវាទសរុបចំនួន ១៦នាក់។