វគ្គបណ្តុះបណ្តាលស្តីពី “ការបើកបរប្រកបដោយសុវត្ថិភាព និងហានិភ័យៃការបើកបរក្រោមឥទ្ធិពលនៃគ្រឿងស្រវឹង” នៅសាកលវិទ្យាល័យអង្គរ ខេត្តសៀមរាប

នៅថ្ងៃសៅរ៍ ១២រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៣ ខែវិច្ឆិកា ឆ្នាំ២០១៩ នៅសាកលវិទ្យាល័យអង្គរ ស្ថិតក្នុងបុរី សៀងណាំ ភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប ក្រុមការងារ នាយកដ្ឋាន សុវត្ថិភាពចរាចរចណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក របស់ក្រសួងសាធារណការ និងដឹកជញ្ជូន ដឹកនាំដោយលោក សេន ជាតិវិសុទ្ធ អនុប្រធាននាយកដ្ឋានសុវត្ថិភាពចរាចរណ៍ផ្លូវគោក បានសហការជាមួយអគ្គលេខាធិការដ្ឋាន គ.ស.ច.គ. មន្ទីរសាធារណរការ និងដឹកជញ្ជូនខេត្តសៀមរាប កាកបាទក្រហមកម្ពុជាខេត្តសៀមរាប ក្រុមហ៊ុនម៉ូតូហុងដា និងអង្គការខេមសែហ្វ រួមទាំងដៃគូពាក់ព័ន្ធ បានរៀបចំវគ្គបណ្តុះបណ្តាលស្តីពី “ការបើកបរដោយសុវត្ថិភាព និងហានិភ័យនៃការបើកបរក្រោមឥទ្ធិពលនៃគ្រឿងស្រវឹង” រួមទាំងវិធានសង្គ្រោះបឋមដល់និស្សិត នៃសាកលវិទ្យាល័យ អង្គរ សរុបចំនួន ៥៧នាក់។ វគ្គបណ្តុះបណ្តាលនេះ ក៏មានការចូលរួមជាអធិបតីភាពពី លោកបណ្ឌិត ញិល រដ្ឋា សាកលវិទ្យាធិការ នៃសាកល វិទ្យាល័យ អង្គរ ព្រមទាំងសាស្ត្រាចារ្យនៃសាកលវិទ្យាល័យ អង្គរ ផងដែរ។