សិក្ខាសាលានេះ មានគោលបំណងស្វែងរកការគាំទ្រជាថវិកា សម្ភារ បច្ចេកទេស និងការគាំទ្រផ្សេងៗទៀតពីវិស័យឯកជន និងសប្បុរសជន ដើម្បីបណ្តុះបណ្តាល ផ្សព្វផ្សាយយុទ្ធនាការវេទិការសាធារណៈដល់សិស្ស និស្សិត អាជីវករ និងសាធារណជនឱ្យយល់ដឹងពីសិទ្ធិរបស់ជនពិការ ច្បាប់ស្តីពីចរាចរណ៍ផ្លូវគោក ផលប៉ះពាល់បន្ទាប់ពីគ្រោះថ្នាក់ចរាចរណ៍ និងវិធីសាស្ត្របញ្ចៀសពីគ្រោះថ្នាក់ចរាចរណ៍។

សិក្ខាសាលានេះក៏មានការរៀបចំពិធីសំណេះសំណាល បទបង្ហាញអំពីស្ថានភាព និងផលប៉ះពាល់របស់គ្រោះថ្នាក់ចរាចរណ៍មកលើប្រជាជនកម្ពុជា ចំណាប់អារម្មណ៍ជនរងគ្រោះថ្នាក់ចរាចរណ៍ និងក្រុមគ្រួសារ របាយការណ៍ចំណាយក្នុងឆ្នាំ២០១៩ និងផែនការថវិកាឆ្នាំ២០២០ និងវេទិកាផ្តល់មតិយោបល់ និងការគាំទ្រពីវិស័យឯកជន សប្បុរសជន ដែលសិក្ខាសាលានេះសហការរៀបចំឡើងដោយ កាកបាទក្រហមកម្ពុជា អង្គការ Light for the world ក្រុមហ៊ុនសូគីម៉ិច ក្រុមហ៊ុនLegend Cinema និង Orkide Villa។