ជំនួបពិភាក្សាការងារសុវត្ថិភាពចរាចរណ៍ផ្លូវគោក ជាមួយប្រតិភូរបស់គម្រោង Knowledge Sharing Promgram (KSP) នៃសាធារណៈរដ្ឋកូរ៉េ ស្តីពី “ការអភិវឌ្ឍការគ្រប់គ្រងចរាចរណ៍ផ្លូវគោក និងការធ្វើឱ្យប្រសើរឡើងនូវប្រព័ន្ធសុវត្ថិភាពក្នុងខេត្តព្រះសីហនុ និងខេត្តតាកែវ”
នៅថ្ងៃពុធ ៤រោច ខែមាឃ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១២ ខែកុម្ភៈ ឆ្នាំ២០២០ នៅក្រសួងសាធារណការ និងដឹកជញ្ជូន លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក និង លោកស្រី ម៉ែន ច័ន្ទសុកុល ប្រធាននាយកដ្ឋាន ដឹកជញ្ជូនផ្លូវគោក ព្រមទាំងមន្ត្រីពាក់ព័ន្ធជាច្រើនរូប បានជួបពិភាក្សាការងារជាមួយប្រតិភូសាធារណៈរដ្ឋកូរ៉េ ដែលជាតំណាងក្រុមការងារសម្របសម្រួលរបស់គម្រោង Knowledge Sharing Program (KPS) ស្តីពី “ការអភិវឌ្ឍការគ្រប់គ្រងចរាចរណ៍ផ្លូវគោក និងការធ្វើឱ្យប្រសើរឡើងនូវប្រព័ន្ធសុវត្ថិភាពក្នុងខេត្តព្រះសីហនុ និងខេត្តតាកែវ” ដែលជាគម្រោងមួយទទួលបានការគាំទ្រថវិកាទាំងស្រុងពីរាជរដ្ឋាភិបាលនៃសាធារណរដ្ឋកូរ៉េ ដោយផ្តោតលើចំណុចដូចខាងក្រោម៖
១-ការអង្កេត និងវិភាគលើប្រព័ន្ធគ្រប់គ្រងសុវត្ថិភាពចរាចរណ៍នៅកម្ពុជា
២-ករណីសិក្សាស្តីពីប្រព័ន្ធគ្រប់គ្រងសុវត្ថិភាពចរាចរណ៍នៅប្រទេសកូរ៉េ
៣-ការផ្តួចផ្តើមចងក្រងនូវឯកសារណែនាំសម្រាប់គ្រប់គ្រងប្រព័ន្ធសុវត្ថិភាពចរាចរណ៍នៅខេត្តព្រះសីហនុ និងខេត្តតាកែវ
៤-ផ្តល់នូវការបណ្តុះបណ្តាលសមត្ថភាពមន្ត្រីជំនាញផ្នែកសុវត្ថិភាពរបស់កម្ពុជា។ គម្រោងនេះមានចូលរួមអនុវត្តដោយផ្ទាល់ពីស្ថាប័នជំនាញរបស់សាធារណរដ្ឋកូរ៉េ ចំនួន៣គឺ Korea Engineering Consultants Corp. (KECC), Korea National University of Transportation (KNUT), និង The Road Traffic Authority (KoRoad)។
នៅថ្ងៃព្រហស្បតិ៍ ១២កើត ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៥ ខែមីនា ឆ្នាំ២០១៩ នៅសណ្ឋាគារភ្នំពេញ មានរៀបចំសិក្ខាសាលាស្តីពី សុវត្ថិភាពចរាចរណ៍ផ្លូវគោក ក្រោមអធិបតីភាព លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក លោក TOKIOKA Toshikazu លេខាទូតទី១ តំណាងស្ថានទូតជប៉ុនប្រចាំប្រទេសកម្ពុជា និងលោក Sugano Yuichi ប្រធានានតំណាងការិយាល័យ JICA ប្រចាំនៅកម្ពុជា។
នៅព្រឹក ថ្ងៃព្រហស្បតិ៍ ៥កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែកុម្ភៈ ឆ្នាំ២០២០ នៅទីស្តីការក្រសួងមហាផ្ទៃ មានរៀបចំកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំខែមករា ឆ្នាំ២០២០ របស់គណៈកម្មាធិការជាតិសុវត្ថិភាពចរាចរណ៍ផ្លូវគោក ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក។ កិច្ចប្រជុំនេះក៏មានការអញ្ជើញចូលរួមពី ឯកឧត្តម លោកជំទាវ ឯកឧត្តមនាយឧត្តមសេនីយ៍ កងកម្លាំងនគរបាល និង មន្ត្រីរាជការ ដែលជាសមាជិក សមាជិកា នៃគណៈកម្មាធិការជាតិសុវត្ថិភាពចរាចរណ៍ផ្លូវគោកផងដែរ។
នាថ្ងៃទី១៩ ខែកុម្ភៈ ឆ្នាំ២០២០ នៅសណ្ឋាគារ Waterfront Hotel ទីក្រុង Stockholm ប្រទេសស៊ុយអែត លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក បានដឹកនាំគណៈប្រតិភូកម្ពុជា រួមមាន ឯកឧត្ដម យុន ឈុន្នី រដ្ឋលេខាធិការក្រសួងមហាផ្ទៃ ឯកឧត្ដម តែ គុយស៊ាង រដ្ឋលេខាធិការក្រសួងសុខាភិបាល លោក ជា សុជាតិ អគ្គនាយករងភស្តុភាកម្ម
| អាស័យដ្ឋាន : ផ្លូវលេខ 598, សង្កាត់ ច្រាំងចំរេះ២, ខណ្ឌឬស្សីកែវ, រាជធានីភ្នំពេញ, ប្រទេសកម្ពុជា |
| ទូរស័ព្ទដៃ : (៨៥៥)២៣ ៨៦៤ ០៨២ |
| អ៊ីម៉ែល : nrsc@nrsc.gov.kh |
