កិច្ចប្រជុំស្តីពី ការផ្សព្វផ្សាយប្រកាសចំនួន៣ ដែលប្រតិភូកម្មទៅឱ្យ រដ្ឋបាលរាជធានី-ខេត្ត.

នៅថ្ងៃពុធ ខែស្រាពណ៍ ឆ្នាំជូត ទោស័ក ព.ស ២៥៦២ ត្រូវនឹងថ្ងៃទី៥ ខែសីហា ឆ្នាំ២០២០ នៅក្រសួងសាធារណការ និងដឹកជញ្ជូន លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក បានចូលរួមកិច្ចប្រជុំស្តីពី ការផ្សព្វផ្សាយប្រកាសចំនួន ៣ ដែលប្រតិភូកម្មទៅឱ្យរដ្ឋបាលរាជធានី-ខេត្ត ស្ថិតក្រោមអធិបតីភាព ឯកឧត្តម ពៅ ម៉ាលី រដ្ឋលេខាធិការ ក្រសួងសាធារណការ និងដឹកជញ្ជូន។
ប្រកាសចំនួន ៣ ដែលប្រតិភូកម្មទៅរដ្ឋបាលរាជធានី ខេត្តនោះ រួមមាន៖
១-ប្រកាសស្តីពី ការធ្វើប្រតិភូកម្មមុខងារផ្តល់លិខិតអនុញ្ញាតធ្វើអាជីវកម្ម សាលាបង្រៀនបើកបរយានយន្ត ឱ្យទៅដល់រដ្ឋបាលរាជធានី-ខេត្ត
២-ប្រកាសស្តីពី ការធ្វើប្រិតិភូកម្មមុខងារចុះបញ្ជី និងផ្តល់លិខិតអនុញ្ញាតធ្វើអាជីវកម្មយានដ្ឋានជួសជុល កែច្នៃដំឡើងរថយន្ត ឱ្យទៅដល់រាជធានី-ខេត្ត
៣-ប្រកាសស្តីពី ការធ្វើប្រតិភូកម្មមុខងារផ្តល់លិខិតអនុញ្ញាតឱ្យបើកស្នាក់ការសាខា ក្រុមហ៊ុនដឹកជញ្ជូន និងការផ្តល់លិខិតអនុញ្ញាតឱ្យយានយន្តធ្វើអាជីវកម្មដឹកជញ្ជូនក្នុងរាជធានី-ខេត្ត ឱ្យទៅដល់រដ្ឋបាលរាជធានី-ខេត្ត។
កិច្ចប្រជុំនេះក៏មានការអញ្ជើញចូលរួមពី លោកអគ្គនាយករង នៃអគ្គនាយកដ្ឋានដឹកជញ្ជូនផ្លូវគោក លោក លោកស្រី ប្រធាននាយកដ្ឋាន អនុប្រធាននាយកដ្ឋានទាំងបី នៃអគ្គនាយកដ្ឋានដឹកជញ្ជូនផ្លូវគោក លោក លោកស្រី ប្រធានការិយាល័យ អនុប្រធានការិយាល័យ នៃនាយកដ្ឋានទាំងបី ព្រមទាំងតំណាងមន្ទីរសាធារណការ និងដឹកជញ្ជូន ទាំង ២៥ រាជធានី-ខេត្តផងដែរ។