កិច្ចប្រជុំពិនិត្យ និងកែសម្រួលប្រកាសស្តីពីការប្រើប្រាស់ទ្រូងផ្លូវ
នៅថ្ងៃចន្ទ ៦រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១០ ខែសីហា ឆ្នាំ២០២០ នៅបន្ទប់ប្រជុំអគ្គនាយកដ្ឋានដឹកជញ្ជូនផ្លូវគោក នៃក្រសួងសាធារណការ និងដឹកជញ្ជូន លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក បានចូលរួមក្នុងការពិនិត្យ និងកែសម្រួលខ្លឹមសាររបស់ប្រកាសស្តីពី ការប្រើប្រាស់ទ្រូងផ្លូវ ដែលកិច្ចប្រជុំនេះស្ថិតក្រោមអធិបតីភាព ឯកឧត្តម ព្រាប ច័ន្ទវិបុល ទីប្រឹក្សា ក្រសួងសាធារណការ និងដឹកជញ្ជូន។
កិច្ចប្រជុំនេះ ក៏មានការអញ្ជើញចូលរួមពី លោកអនុប្រធាននាយកដ្ឋាន និងអនុប្រធានការិយាល័យ នៃនាយកដ្ឋានសុវត្ថិភាពចរាចរណ៍ផ្លូវគោកផងដែរ។