ទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១០
កិច្ចប្រជុំបូកសរុបលទ្ធផលត្រួតពិនិត្យការអនុវត្តច្បាប់ស្តីពីចរាចរណ៍ផ្លូវគោកប្រចាំឆ្នាំ២០១៦ និងទិសដៅការងារឆ្នាំ២០១៧
កិច្ចប្រជុំពិភាក្សាស្តីពី ទម្រង់បែមបទនៃបង្កាន់ដៃពិន័យអន្តរកាល
កុមារនិងការពាក់មួកសុវត្ថិភាពពេលចេញពីសាលា
កុមារនិងការពាក់មួកសុវត្ថិភាព
កាចុះអបរំផ្សព្វផ្សាងនៅខេត្តកំពង់ស្ពឺ
ពិធិចែកមួកសុត្ថិភាពដល់ អតិថិជន សាខាម៉ូតូ HONDA
ពិធីបណ្តុះបណ្តាលគ្រូបង្គោលផ្សព្វផ្សាយច្បាប់ស្តីពីចរាចរណ៍ផ្លូវគោក
ពិធីប្រកាសច្បាប់ស្តីពីចរាចរណ៍ផ្លូវគោកថ្មី
ពីការបណ្តុះបណ្តាលគ្រូបង្គោល
ពីកិច្ចប្រជុំស្តីពីសេចក្តីច្បាប់ចរាចរណ៍ផ្លូវគោកជាមួយគណះកម្មការទី៩រដ្ឋសភា
កិច្ចប្រជុំស្តីពីសេចក្តីច្បាប់ចរាចរណ៍ផ្លូវគោកជាមួយគណះកម្មការទី៩រដ្ឋសភា
សិក្ខាសាលាពិគ្រោះយោបលើសេចក្តីព្រាងច្បាប់ស្តីពី ចរាចរណ៍ផ្លូវគោក
សិក្ខាសាលាលើកម្ពស់ការយល់ដឹងអំពីការពាក់មួកសុវត្ថិភាព និងការបើកបរក្រោមឥទ្ធិពលគ្រឿស្រវឹង2
សិក្ខាសាលាលើកម្ពស់ការយល់ដឹងអំពីការពាក់មួកសុវត្ថិភាព និងការបើកបរក្រោមឥទ្ធិពលគ្រឿស្រវឹង
ពិធីប្រកាសផ្សព្វផ្សាយ ស្ពតអប់រំសុវត្ថិភាពចរាចរណ៍ផ្លូវគោក
យុទ្ធនាការលើកកម្ពស់ការយល់ដឹងអំពីការពាក់មួកសុវត្ថិភាព២
យុទ្ធនាការលើកកម្ពស់ការយល់ដឹងអំពីការពាក់មួកសុវត្ថិភាព
កម្មវិធីសិក្សាអំពី Arc GIS
សកម្មភាពក្រោយពីទទួលបានមួកនៅក្នុងទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី៧!
មួកសុវត្ថិភាពជួយសង្គ្រោះជីវិត
អ្នករួមដំណើរតាមទោចក្រយានយន្ត គិតទាំងកុមារត្រូវតែពាក់មួកសុវត្ថិភាព
មួកសុវត្ថិភាពមួយ ជួយជីវិតបានម្នាក់
យល់ដឹងពីផ្លាកសញ្ញា
សុន្ទរកថាលោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូនថ្លែងក្នុងពិធី
សុន្ទរកថាលោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូនថ្លែងក្នុងពិធីបើកសិក្ខាសាលាស្តីពីការចងក្រង និងអនុវត្តសកម្មភាពសុវត្ថិភាពចរាចរណ៍តាមក្រសួង/ស្ថាប័ន ថ្ងៃនេះ ខ្ញុំមានកិត្ដិយសដ៏ខ្ពង់ខ្ពស់ និងមានសេចក្តីសប្បាយរីករាយយ៉ាងក្រៃលែង ដោយ បានចូលរួមជំនួសមុខឲ្យឯកឧត្តម ត្រាំ អ៊ីវតឹក រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក ក្នុង “សិក្ខាសាលាស្តីពីការចង ក្រង និងការអនុវត្តសកម្មភាពសុវត្ថិភាពចរាចរណ៍តាមក្រសួង/ស្ថាប័ន” ដែលរៀបចំឡើងដោយអគ្គលេខាធិការដ្ឋានសុវត្ថិភាពចរាចរណ៍ផ្លូវគោក សហការជាមួយសហព័ន្ធយុវជនកម្ពុជា ក្រោមការជួយឧបត្ថម្ភរបស់អង្គការដៃគូសុវត្ថិភាពចរាចរណ៍ផ្លូវគោកសកល។ ខ្ញុំក៏សូមថ្លែងអំណរគុណយ៉ាងជ្រាលជ្រៅចំពោះ ឯកឧត្តម លោកជំទាវ លោក លោកស្រី ដែលបានអញ្ជើញចូលរួមយ៉ាងអធិកអធមក្នុងពិធីនាពេលនេះ។ ខ្ញុំសូមកោតសរសើរ ថ្លែងអំណរគុណ និងវាយតម្លៃខ្ពស់ចំពោះ ថ្នាក់ដឹកនាំ មន្រ្តីរាជការក្នុងអគ្គលេខាធិការដ្ឋាននៃគ.ស.ច.គ. និងសហភាពសហព័ន្ធយុវជន កម្ពុជា ដែលបានសហការខិតខំប្រឹងប្រែងប្រកបដោយភាពច្នៃប្រឌិតដ៏រស់រវើក ក្រោមកិច្ចសហការយ៉ាងកក់ក្តៅពីដៃគូរអភិវឌ្ឍន៏ជាតិ និងអន្តរជាតិនានា ក្នុងការលើកកម្ពស់ការយល់ដឹងសាធារណៈអំពីច្បាប់ស្តីពីចរាចរណ៍ផ្លូវគោក និងសុវត្ថិភាពចរាចរណ៍ជូនដល់សង្គមកម្ពុជាទាំងមូល ដោយបានរៀបចំសិក្ខាសាលាបណ្តុះបណ្តាលស្តីពី កត្តាហានីភ័យលើការបើកបរមិនពាក់មួកសុវត្ថិភាព និងការបើកបរក្រោមឥទ្ធិពលគ្រឿងស្រវឹងនៅតាមបណ្តាក្រសួង/ស្ថាប័នរដ្ឋាភិបាល ដែលបានដំណើរការអស់រយៈពេលបី(០៣)ខែគឺពីខែកញ្ញាដល់ខែវិច្ឆិកា ឆ្នាំ២០១៣ កន្លងទៅនេះ ហើយបានបន្តរៀបចំនៅក្រសួង/ស្ថាប័នចំនួន ៥ទៀតនៅក្នុងឆ្នាំ២០១៤នេះ។ ថ្ងៃនេះ ផ្អែកលើលទ្ធផលនៃការរៀបចំសិក្ខាសាលាបណ្តុះបណ្តាលដែលបានរៀបចំកាលពីឆ្នាំទៅ និងពេលថ្មីៗនេះ ព្រមទំាងកិច្ចប្រជុំពិភាក្សាស្តីពីការចងក្រង និងការអនុវត្តសកម្មភាពសុវត្ថិភាពចរាចរណ៍ នៅតាមក្រសួង/ស្ថាប័ននៅកំរិតថ្នាក់ប្រធានសហភាពព័ន្ធយុវជនតាមក្រសួង/ស្ថាប័នទំាង៣១មកដែលនៅក្នុងកិច្ចប្រជុំ បានលើកយកមកពិភាក្សា ដើម្បីរិះរកនូវចំណុចខ្លាំងដែលជាយុទ្ធសាស្រ្តក្នុងការទប់ស្កាត់កត្តាហានីភ័យនៃការបើកបរមិនពាក់មួកសុវត្ថិភាព និងការបើកបរក្រោមឥទ្ធិពលគ្រឿងស្រវឹងនៅតាមក្រសួង/ស្ថាប័ន។ជាលទ្ធផលនៃកិច្ចប្រជុំ គឺបានសម្រេចឲ្យគណៈកម្មាធិការ ជាតិ សុវត្ថិភាពចរាចរណ៍ដាក់លិខិតស្នើសុំទៅសហភាពសហព័ន្ធយុវជនកម្ពុជា និងតាមក្រសួង /ស្ថាប័ន ឲ្យពង្រឹង និងអំពាវនាវដល់មន្រ្តីរាជការ សូមឲ្យគោរពច្បាប់ស្តីពីចរាចរណ៍ផ្លូវគោក ហើយការអំពាវនាវនេះ ក៏អាចធ្វើនៅក្នុងក្រសួងនិមួយៗដោយសាម៉ីក្រសួង/ស្ថាប័ន។ នៅក្នុងសិក្ខាសាលាដែលនឹងចាប់ផ្តើមនាពេលបន្តិចទៀតនេះ ខ្ញុំសូមស្នើសុំឯកឧត្តម លោកជំទាវ លោក លោកស្រី ព្រមទំាងសមាជិកសមាជិកានៃអង្គសិក្ខាសាលាចូលរួមឲ្យបាន ផុសផុលក្នុងការជជែកពិភាក្សា និងសម្រេចយកយន្តការណាមួយក្នុងពង្រឹង និងជម្រុញឲ្យការ អនុវត្តសកម្មភាពសុវត្ថិភាពចរាចរណ៍ផ្លូវគោកនៅក្នុងក្រសួង/ស្ថាប័នកាន់តែមានប្រសិទ្ធភាពដើម្បីយើងអាចឈានទៅសម្រេចបានគោលដៅកាត់បន្ថយចំនួនអ្នកស្លាប់ដោយសារគ្រោះថ្នាក់ចរាចរណ៍ផ្លូវគោកឲ្យបាន៥០%នៅឆ្នាំ២០២០ស្របតាមទិសដៅ និងផែនការសកម្មភាពសុវត្ថិភាពចរាចរណ៍ផ្លូវគោករបស់អង្គការសហប្រជាជាតិ។ ក្នុងឱកាសនេះដែរ ជំនួសមុខឲ្យគណៈកម្មាធិការជាតិសុវត្ថិភាពចរាចរណ៍ផ្លូវគោក ខ្ញុំសូមថ្លែងអំណរគុណយ៉ាងជ្រាលជ្រៅចំពោះអង្គការដៃគូសុវត្ថិភាពចរាចរណ៍ផ្លូវគោកសកល ដែលបានជួយឧបត្ថម្ភក្នុងការរៀបចំកិច្ចប្រជុំដ៏មានសារសំខាន់នេះ។ សកម្មភាពនេះ បង្ហាញឲ្យឃើញនូវការយកចិត្តទុកដាក់ចូលរួមចំណែកជាមួយរាជរដ្ឋាភិបាលនិងគណៈកម្មាធិការជាតិសុវត្ថិភាពចរាចរណ៍ផ្លូវគោកក្នុងការទប់ស្កាត់ កាត់បន្ថយគ្រោះថ្នាក់ចរាចរណ៍នៅព្រះរាជាណាចក្រកម្ពុជា។ ជាថ្មីម្តងទៀត ជំនួសមុខឲ្យគណៈកម្មាធិការជាតិសុវត្ថិភាពចរាចរណ៍ផ្លូវគោក ខ្ញុំសូម ស្វាគមន៍យ៉ាងកក់ក្តៅ អបអរសាទរនិងថ្លែងអំណរគុណយ៉ាងជ្រាលជ្រៅ វិសេសវិសាល ចំពោះ កាកបាទក្រហមកម្ពុជា សហភាពសហព័ន្ធយុវជនកម្ពុជា ដែលបានចូលរួមសកម្មភាពការងារសុវត្ថិភាពចរាចរណ៍ផ្លូវគោក ដែលជាការសបញ្ជាក់ឲ្យឃើញនូវការយកចិត្តទុកដាក់យ៉ាងខ្លាំង របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ក្នុងការចូលរួមចំណែកជាមួយរាជរដ្ឋាភិបាល និងគណៈកម្មាធិការជាតិសុវត្ថិភាពចរាចរណ៍ផ្លូវគោក ក្នុងការចាត់វិធានការនានាទប់ស្កាត់ កាត់បន្ថយចំនួនអ្នកស្លាប់ដោយគ្រោះថ្នាក់ចរាចរណ៍ឲ្យថយមកកម្រិតទាបបំផុត។ ខ្ញុំក៏សូមថ្លែងអំណរគុណជាអនេកចំពោះអគ្គលេខាធិការដ្ឋាននៃគ.ស.ច.គ. សហភាពសហព័ន្ធយុវជនកម្ពុជា និងអង្គការដៃគូសុវត្ថិភាពចរាចរណ៍ផ្លូវគោកសកល ដែលបានសហការរៀបចំ កិច្ចប្រជុំនាពេលនេះ និង សូមថ្លែងអំណរគុណផងដែរចំពោះក្រសួង ស្ថាប័នពាក់ព័ន្ធ អង្គការមិនមែនរដ្ឋាភិបាល និងវិស័យឯកជននានា ដែលបានយកចិត្តទុកដាក់លើកកម្ពស់ការយល់ដឹងជាសាធារណៈអំពីសុវត្ថិភាពចរាចរណ៍ ជាពិសេស ការមិនពាក់មួកសុវត្ថិភាព ការបើកបរហួសល្បឿនកំណត់ និងការបើកបរស្ថិតក្រោមឥទ្ធិពលគ្រឿងស្រវឹងជាដើម ក្នុងការចូលរួមចំណែកយ៉ាងសកម្មជាមួយរាជរដ្ឋាភិបាល និងគណៈកម្មាធិការជាតិសុវត្ថិភាពចរាចរណ៍ផ្លូវគោក ដើម្បីទប់ស្កាត់ កាត់បន្ថយចំនួនអ្នកស្លាប់ដោយគ្រោះថ្នាក់ចរាចរណ៍នៅក្នុងព្រះរាជាណាចក្រកម្ពុជា ។ ព្រមជាមួយនឹងក្តីសោមនស្សរីករាយ ក្នុងឱកាសដ៏មហាឡារឹកនេះ ខ្ញុំសូមថ្លែងអំណរអរគុណឯកឧត្តម លោក ជំទាវ និងអង្គពិធីទាំងមូល សូមទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមប្រកាសបើកសិក្ខាសាលានាពេលនេះ ៕ សូមអរគុណ !
អត្តបទ ទាក់ទង
កិច្ចប្រជុំឆ្លុះបញ្ចាំងស្តីពីវឌ្ឍនភាពនៃការបង្ការ និងការទប់ស្កាត់ផលប៉ះពាល់នៃការប្រើប្រាស់គ្រឿងស្រវឹង
ថ្ងៃព្រហស្បតិ៍ ១៥កើត ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៥ ខែសីហា ឆ្នាំ២០១៩ នៅសាលប្រជុំសណ្ឋាគារសាន់វេ លោក ព្រំ វន្ថា ប្រធាននាយកដ្ឋានសុត្ថិភាពចរាចរណ៍ផ្លូវគោក និងមន្រ្តីជំនាញ បានចូលរួមកិច្ចប្រជុំឆ្លុះបញ្ចាំងស្តីពីវឌ្ឍនភាពនៃការបង្ការ និងការទប់ស្កាត់ផលប៉ះពាល់នៃការប្រើប្រាស់គ្រឿងស្រវឹង ក្រោមអធិបតីភាព ឯកឧត្តម ង៉ាន់ ចំរើន រដ្ឋលេខាធិការ ក្រសួងមហាផ្ទៃ និងជាប្រធានលេខាធិកា គ.ជ.អ.ប ដោយមានសមាសភាពចូលរួមពី តំណាងអង្គការអាយអូជីធី ប្រធានមជ្ឈមណ្ឌលភីឌីភី នាយកអង្គការចលនាសុខភាពកម្ពុជា តំណាងអង្គការ WHO និងក្រសួងស្ថាប័នពាក់ព័ន្ធ ក្នុងគោលបំណងដើម្បី
កិច្ចប្រជុំសម្របសម្រួលប្រចាំត្រីមាស រវាងអគ្គលេខាធិការដ្ឋាន គ.ស.ច.គ និងអង្គការសង្គមស៊ីវិល-វិស័យឯកជន
កិច្ចប្រជុំសម្របសម្រួលប្រចាំត្រីមាស រវាងអគ្គលេខាធិការដ្ឋាន គ.ស.ច.គ និងអង្គការសង្គមស៊ីវិល-វិស័យឯកជន 
  នៅថ្ងៃអង្គារ ១៣កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៣ ខែសីហា ឆ្នាំ២០១៩ នៅទីស្តីការក្រសួងសាធារណការ និងដឹកជញ្ជូន លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក បានចូលរួមកិច្ចប្រជុំសម្របសម្រួលប្រចាំត្រីមាសរវាង អគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក និងអង្គការសង្គមស៊ីវិល-វិស័យឯកជន ក្រោមអធិបតីភាព លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក និងមានការអញ្ជើញចូលរួមពី សមាជិក សមាជិការនៃអគ្គលេខាធិការដ្ឋាន គ.ស.ច.គ អង្គការជាតិ អង្គការក្រៅរដ្ឋាភិបាល និងក្រុមហ៊ុនឯកជនប្រមាណ ៣៨នាក់។ 
អង្គការជាតិ អង្គការក្រៅរដ្ឋាភិបាល និងក្រុមហ៊ុនឯកជន ដែលបានចូលរួមនាពេលនេះរួមមាន អង្គការ AIP Foundation, អង្គការ CRY, ឯកអគ្គរដ្ឋទូតសុឆន្ទៈវ័យក្មេងខាងសុវត្ថិភាពចរាចរណ៍, ក្រុមហ៊ុនធានារ៉ាប់រង FORTE, អង្គការកាកបាទក្រហមកម្ពុជា, ក្រុមហ៊ុន Royal Cambodian Limousine Service, ក្រុមហ៊ុន Giant Ibis, ក្រុមហ៊ុនប្រេងឥន្ធនៈ TOTAL, ក្រុមហ៊ុន GRAB, វិទ្យាស្ថានសុវត្ថិភាពចរាចរណ៍, ក្រុមហ៊ុន WMC, ក្រុមហ៊ុន RINCO, វិទ្យុFM 102, ក្រុមហ៊ុន Geolink NGO Forum និង វិទ្យាស្ថានតស៊ូមតិ និងគោលនយោបាយ។
ផ្សព្វផ្សាយអំពីសុវត្ថិភាពចរាចរណ៍ផ្លូវគោក ដល់កុមារថិតក្នុងភូមិទួលដូនគាំ ឃុំកំពង់កុង ស្រុកកោះធំ ខេត្តកណ្តាល
ការចុះអប់រំផ្សព្វផ្សាយអំពីសុវត្ថិភាពចរាចរណ៍ផ្លូវគោក ដល់កុមារ និងសិស្សានុសិស្ស ស្ថិតក្នុងភូមិទួលដូនគាំ ឃុំកំពង់កុង ស្រុកកោះធំ ខេត្តកណ្តាល  នៅថ្ងៃសុុក្រ ១០រោច ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៦ ខែកក្កដា ឆ្នាំ២០១៩ នាយកដ្ឋានសុវត្ថិភាពចរាចរណ៍ផ្លូវគោកនៃអគ្គនាយកដ្ឋានដឹកជញ្ជូនផ្លូវគោកសហការជាមួយអគ្គលេខាធិការដ្ឋាននៃគណៈកម្មាធិការជាតិសុវត្ថិភាពចរាចរណ៍ផ្លូវគោក សហភាពសហព័ន្ធយុវជនកម្ពុជាវិស័យសាធារណការ និងដឹកជញ្ជូន បានចុះអប់រំផ្សព្វផ្សាយអំពី សុវត្ថិភាពចរាចរណ៍ផ្លូវគោក ភ្លើងសញ្ញាចរាចរណ៍ ផ្លាកសញ្ញាចរាចរណ៍សំខាន់ៗ វិធានសុវត្ថិភាពក្នុងការឆ្លងផ្លូវ និងប្រការដែលត្រូវជៀសវាងសម្រាប់ថ្មើរជើង ដល់កុមារ និងសិស្សានុសិស្សស្ថិតក្នុងភូមិទួលដូនគាំ ឃុំកំពង់កុង ស្រុកកោះធំ ខេត្តកណ្តាល ចំនួនប្រមាណ ១០០នាក់ និងដោយមានការសម្របសម្រួលពីលោកប្រធានភូមិទួលដូនគាំ និងកងកម្លាំងប្រជាការពារប្រចាំភូមិផងដែរ។ សម្រាប់ការចុះអប់រំផ្សព្វផ្សាយនាពេលនេះ បានប្រើប្រាស់មួកសុវត្ថិភាព ចំនួន ១០០មួក (មួកកុមារ ៨០មួក និងមួកមនុស្សធំ ចំនួន ២០មួក) និងបានចែកសម្ភារសិក្សាដល់កុមារ និងសិស្សានសិស្សដែលបានចូលរួម ក្នុងម្នាក់ៗ ទទួលបានសៀវសរសេរ ១ក្បាល ខ្មៅដៃ ១ដើម ជ័រលុប ១ដុំ កូល័រសម្រាប់ផាត់រូប ១ប្រអប់ និងស្ទីកឃ័រចំណាំងផ្លាត ១សន្លឹក។
ពិធីបិទយុទ្ធនាការអប់រំផ្សព្វផ្សាយសុវត្ថិភាពចរាចរណ៍ផ្លូវគោក “បន្ថយល្បឿន ដើម្បីអាយុជីវិតកុមារ”
ពិធីបិទយុទ្ធនាការអប់រំផ្សព្វផ្សាយសុវត្ថិភាពចរាចរណ៍ផ្លូវគោក “បន្ថយល្បឿន ដើម្បីអាយុជីវិតកុមារ” នៅសាលាបឋមសិក្សាតេជោហ៊ុនសែន ច្រាំងចំរេះ ក្រោមអធិបតីភាព លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ នៃគណៈកម្មាធិការជាតិសុវត្ថិភាពចរាចរណ៍ផ្លូវគោក
  នៅព្រឹកថ្ងៃព្រហស្បតិ៍ ១០កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១១ ខែកក្កដា ឆ្នាំ២០១៩ នៅសាលាបឋមសិក្សាតេជោហ៊ុនសែន ច្រាំងចំរេះ ក្នុងសង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក ជាអធិបតីភាពក្នុងពិធីបិទយុទ្ធនាការអប់រំផ្សព្វផ្សាយសុវត្ថិភាពចរាចរណ៍ផ្លូវគោក “បន្ថយល្បឿន ដើម្បីអាយុជីវិតកុមារ” និងមានការអញ្ជើញចូលរួមជាភ្ញៀវកិត្តិយស Mr. BESSYO Kenichi រដ្ឋមន្ត្រីស្ថានទូតជប៉ុនប្រចាំកម្ពុជា តំណាងអង្គការមូលនិធិសមាហរណកម្មជប៉ុន-អាស៊ាន (Japan ASEAN Integration Fund) ព្រមទាំង ឯកឧត្តម លោកជំទាវ លោក លោកស្រី ជាសមាជិក សមាជិកានៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក ថ្នាក់ដឹកនាំនៃក្រសួងសាធារណការ និងដឹកជញ្ជូន តំណាងអគ្គស្នងការនគរបាលជាតិ នៃក្រសួងមហាផ្ទៃ លោកស្រីចៅសង្កាត់ច្រាំងចំរេះ លោកនាយក លោកគ្រូ អ្នកគ្រូ និងសិស្សានុសិស្សនៃសាលាបឋមសិក្សាតេជោហ៊ុនសែន ច្រាំងចំរេះ ប្រមាណ ១៥០នាក់។
prev12345...4041next
ភ្ជាប់ទៅកាន់គេហទំព័រសំខាន់
មូលនិធិយានយន្តអន្តរជាតិ http://www.fia.org
អង្គការសហប្រជាជាតិ http://www.un.org
ធនាគារពិភពលោក http://www.worldbank.org
សំនួរ​ សាកល្បង
តើនៅក្នុងទីប្រជុំជន អ្នកបើកបរម៉ូតូក្នុងល្បឿន ៣០ គ.ម ក្នុងមួយម៉ោង តើអ្នកត្រូវរក្សាទុកចន្លោះសុវត្ថិភាពប៉ុន្មានម៉ែត្រ?
យ៉ាងតិច ៩ ម៉ែត្រ
យ៉ាងតិច ៧ ម៉ែត្រ
យ៉ាងតិច ៥ ម៉ែត្រ
ចូល​ជ្រើស​រើស​ចម្លើយ​ដែល​បង្ហាញ អំពី​យោបល់​​របស់​អ្នក