រថយន្តក្រុងរបស់ចិនក្រឡាប់ធ្លាក់ពីលើស្ពានឆ្លងសមុទ្រដែលវែងបំផុតនៅលើ
ពិភពលោកបង្កឲ្យមានអ្នកស្លាប់យ៉ាងតិច៦នាក់ និងរងរបួស៤៣នាក់ ។
ទីភ្នាក់ងារព័ត៌មានស៊ីនហួរបស់ចិនកាលពីថ្ងៃទី៣ វិច្ឆិកា បានផ្សាយថា កើតមានឧបទ្ទវហេតុដ៏រន្ធត់មួយដោយរថយន្តក្រុង
មួយគ្រឿងដឹកអ្នកដំណើរចំនួន៥៥នាក់ បានក្រឡាប់ធ្លាក់ពីលើស្ពានតុងហៃ(Donghai)ដែលឆ្លងសមុទ្រដ៏វែងបំផុតនៅលើ
ពិភពលោកបណ្ដាលឱ្យមានអ្នកស្លាប់៦នាក់ និងរបួស៤៣នាក់។
តាមលោក លី ហៃលៀង បុគ្គលិកការិយាល័យគ្រប់គ្រងស្ពានតុងហៃ ក្រុងសៀងហៃ ភាគខាងកើតប្រទេសចិន បង្ហើបឲ្យ
ដឹងថា រហូតមកដល់ពេលនេះនៅមិនទាន់ដឹងពីមូលហេតុលើឧប្បត្តិហេតុនេះនៅឡើយទេហើយជំនាញកំពុងតែបើកការ
ស៊ើបអង្កេត ។
ស្ពានតុងហៃបានសាងសង់សម្រាប់តភ្ជាប់រវាងទីក្រុងសៀងហៃ ជាមជ្ឈមណ្ឌលពាណិជ្ជកម្មរបស់ចិនជាមួយកំពុងផែក្នុង
សមុទ្រចិនខាងកើតដោយមានប្រវែង៣២,៥គីឡូម៉ែត្រ គឺជាស្ពានឆ្លងសមុទ្រដ៏វែងបំផុតនៅលើពិភពលោក។