បច្ចុប្បន្ននេះ ប្រព័ន្ធព័ត៌មានជនរងគ្រោះ និងគ្រោះថ្នាក់ចរាចរណ៍ផ្លូវគោកនៅប្រទេសកម្ពុជាត្រូវបានគ្រប់គ្រងដោយគណៈ កម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ)។ ប្រព័ន្ធព័ត៌មាននេះ បានទទួលទិន្នន័យពីរប្រភពច្បាស់លាស់ គឺក្រសួងមហាផ្ទៃ និងក្រសួងសុខាភិបាល ហើយត្រូវបានយកមកបូកបញ្ចូលគ្នាដើម្បីធ្វើការវិភាគចេញជារបាយការណ៍ស្តីពីគ្រោះថ្នាក់ចរាចរណ៍ផ្លូវគោកប្រចាំខែ ប្រចាំឆមាស របាយការណ៍សង្ខេប និងប្រចាំឆ្នាំ។ ដោយឡែកទិន្នន័យគ្រោះថ្នាក់ចរាចរណ៍ផ្លូវគោកប្រចាំថ្ងៃ គឺបានទទួលមកពីក្រសួងមហាផ្ទៃ។