ពិធីផ្សព្វផ្សាយវីដេអូអប់រំសុវត្ថិភាពចរាចរណ៍ផ្លូវគោក និងវីដេអូណែនាំស្តីពីការបង្ការការលង់ទឹក ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក 
________________
ទីស្តីការក្រសួងមហាផ្ទៃ៖ នៅថ្ងៃចន្ទ ១៣រោច ខែអស្សុជ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែតុលា ឆ្នាំ២០២៥ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានអញ្ជើញជាអធិបតីដ៏ខ្ពង់ខ្ពស់ក្នុងពិធីផ្សព្វផ្សាយវីដេអូអប់រំសុវត្ថិភាពចរាចរណ៍ផ្លូវគោក និងវីដេអូណែនាំស្តីពីការបង្ការការលង់ទឹក ដោយមានការអញ្ជើញចូលរួមពី ឯកឧត្តម លោកជំទាវ ឯកឧត្តមនាយឧត្តមសេនីយ៍ អភិបាលនៃគណៈអភិបាលរាជធានី ខេត្ត លោកនាយកអង្គការយូនីសេហ្វប្រចាំកម្ពុជា កងកម្លាំងនគរបាលរាជធានី ខេត្ត កងរាជអាវុធហត្ថរាជធានី ខេត្ត មន្ត្រីរាជការ សមាជិក សមាជិកានៃគណៈកម្មាធិការជាតិសុវត្ថិភាពចរាចរណ៍ផ្លូវគោក និងតំណាងអង្គការដៃគូសរុបចំនួន ២៥០នាក់។ 
ពិធីនេះត្រូវបានរៀបចំឡើងដោយគណៈកម្មាធិការជាតិសុវត្ថិភាពចរាចរណ៍ផ្លូវគោក សហការជាមួយអង្គការយូនីសេហ្វប្រចាំប្រទេសកម្ពុជា ដើម្បីប្រកាសឱ្យផ្សព្វផ្សាយជាផ្លូវការនូវវីដេអូអប់រំសុវត្ថិភាពចរាចរណ៍ផ្លូវគោក និងវីដេអូណែនាំស្តីពីការបង្ការការលង់ទឹក។

  តំណរភ្ជាប់ ៖ ពិធីផ្សព្វផ្សាយវីដេអូអប់រំសុវត្ថិភាពចរាចរណ៍ផ្លូវគោក 

កិច្ចប្រជុំពិនិត្យខ្លឹមសារបន្ថែមដើម្បីបញ្ចូលក្នុងច្បាប់ស្ដីពីចរាចរណ៍ផ្លូវគោក ក្រោមអធិបតីភាព លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋាន គ.ស.ច.គ.
___________________
(ភ្នំពេញ)៖ នៅថ្ងៃចន្ទ ៦រោច ខែអស្សុជ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៣ ខែតុលា ឆ្នាំ២០២៥ លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋាន គ.ស.ច.គ. បានដឹកនាំកិច្ចប្រជុំពិនិត្យខ្លឹមសារបន្ថែមដើម្បីបញ្ចូលក្នុងច្បាប់ស្ដីពីចរាចរណ៍ផ្លូវគោក ដោយមានការចូលរួមពី ឯកឧត្តមរដ្ឋលេខាធិការនៃក្រសួងមហាផ្ទៃ ឯកឧត្តមអគ្គនាយកនៃអគ្គនាយកដ្ឋានដឹកជញ្ជូនផ្លូវគោក លោកអគ្គនាយករងនៃក្រសួងយុត្តិធម៌ លោកប្រធាននាយកដ្ឋានដឹកជញ្ជូនសាធារណៈក្រុង លោកប្រធាននាយកដ្ឋាន លោកអនុប្រធាននាយកដ្ឋាននាយកដ្ឋានសុវត្ថិភាពចរាចរណ៍ផ្លូវគោក និងមន្ត្រីពាក់ព័ន្ធសរុបចំនួន ៨នាក់ ដែលរៀបចំឡើងនៅសាលប្រជុំអគ្គនាយកដ្ឋានដឹកជញ្ជូនផ្លូវគោកជាន់ទី១ នៃទីស្ដីការក្រសួងសាធារណការ និងដឹកជញ្ជូន។ 
លទ្ធផលដែលទទួលបានពីកិច្ចប្រជុំនេះ មានដូចខាងក្រោម៖
- អង្គប្រជុំបានឯកភាពតាមការស្នើសុំរបស់ជំនាញចំពោះការបន្ថែមវាក្យសព្ទពាក់ព័ន្ធនឹងប្រព័ន្ធដឹកជញ្ជូនសាធារណៈទៅក្នុង មាត្រា៣ ជំពូកទី១ ស្តីពីបទបញ្ញត្តិទូទៅ
- បានឯកភាពបន្ថែមមាត្រាថ្មីនៅក្នុងជំពូកទី៩ ស្ដីពីបណ្ណបើកបរ ការគ្រប់គ្រងយាន និងការដឹកជញ្ជូន។

  តំណរភ្ជាប់ ៖ កិច្ចប្រជុំពិនិត្យខ្លឹមសារបន្ថែមដើម្បីបញ្ចូលក្នុងច្បាប់ស្ដីពីចរាចរណ៍ផ្លូវគោក 

កិច្ចប្រជុំក្រុមការងារបច្ចេកទេសលើកកម្ពស់សុវត្ថិភាពចរាចរណ៍នៅតំបន់សាលារៀន (Technical Working Group on Safe School Zones Interventions -TWG-SSZI) ក្រោមអធិបតីភាព លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋាន គ.ស.ច.គ.
.................................................
ភ្នំពេញ៖ នៅរសៀលថ្ងៃចន្ទ ១៤រោច ខែអស្សុជ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៦ ខែតុលា ឆ្នាំ២០២៥ លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋាន គ.ស.ច.គ. បានអញ្ជើញជាអធិបតីភាពក្នុងកិច្ចប្រជុំក្រុមការងារបច្ចេកទេសលើកកម្ពស់សុវត្ថិភាពចរាចរណ៍នៅតំបន់សាលារៀន (TWG-SSZI) ដោយមានការចូលរួមពី ឯកឧត្តម លោកជំទាវ ថ្នាក់ដឹកនាំ លោក លោកស្រី សមាជិក សមាជិកានៃក្រុមការងារ TWG-SSZI និងដៃគូពាក់ព័ន្ធសរុបចំនួន ៣៥នាក់ ដែលរៀបចំឡើងនៅសាលប្រជុំធំ នៃទីស្តីការក្រសួងសសាធារណការ និងដឹកជញ្ជូន។ 
កិច្ចប្រជុំនេះ មានគោលបំណង៖
- ប្រកាសសេចក្តីសម្រេចស្តីពី ការបង្កើតក្រុមការងារបច្ចេកទេសលើកកម្ពស់សុវត្ថិភាពចរាចរណ៍ផ្លូវគោកនៅតំបន់សាលារៀន 
- កំណត់ដៃគូសំខាន់ៗដែលគួរអញ្ជើញឱ្យចូលរួមក្នុងក្រុមការងារបន្ថែមទៀត
- ចែករំលែក និងសម្របសម្រួលក្នុងចំណោមដៃគូពាក់ព័ន្ធតាមរយៈការពិនិត្យលើសកម្មភាពបច្ចុប្បន្ន និងផែនការសកម្មភាពនៃតំបន់សុវត្ថិភាពសាលារៀន 
- កំណត់បញ្ហាប្រឈមរួម និងពិភាក្សាអំពីការគាំទ្ររបស់ គ.ស.ច.គ. និងដៃគូ អាចចូលរួមផ្តល់ជូន
- កំណត់យុទ្ធសាស្ត្រអាទិភាព និងកំណត់ជំហានបន្ទាប់សម្រាប់ឆ្នាំ២០២៥-២០២៦ រួមទាំងការលើកឡើងអំពីសកម្មភាពរបស់ TWG-SSZI ការបង្កើតអនុក្រុមការងារ និងយន្តការដើម្បី គាំទ្រការប្តេជ្ញាចិត្តក្នុងការលើកកម្ពស់សុវត្ថិភាពចរាចរណ៍ផ្លូវគោកនៅប្រទេសកម្ពុជា។